O Tahiti ua pine silia i le faai’uga o taaloga laiti a le Pasefika i Palau, le Pacific Mini Games 2025.
E 9 aso o taaloga sa faagasolo ma ua faai’uina ma le manuia.
O Tahiti na maua pine auro e 72, 41 pine siliva ma le 29 pine apamemea.
O Fiti na tulaga lua i pine auro e 27, 30 pine siliva ma le 24 pine apamemea.
O Samoa na tulaga tolu i pine auro e 27, 14 pine siliva ma le 20 pine apamemea.
O Ausetalia na tulaga fā i pine auro e 24, 16 pine siliva ma le 15 pine apamemea.
O Papua Niu Kini na tulaga lima i pine auro e 22, 29 pine siliva ma le 26 pine apamemea.
O Tahiti lea o loo sauni e talimalo i taaloga a le Pasefika i le 2027ma na amata mai lava i le amataga o taaloga le vaaia o le finau malosi a le ‘autaalo mai lea atunuu lea ua i’u manuia foi taumafaiga i le pito i luga.
O le tama’ita’i tamo’e mai Fiti o Heleina Young na mauaina le Overall Outstanding Female Athlete ae o le alii siisii u’amea mamafa a Samoa o John Tafi, e 23 tausaga le matua, na mauaina le faailoga lea i le itupa o alii, e tolu ana pine auro na maua i le vaega o alii i le 71 kilokalama.
Puna o Faamatalaga: https://www.rnz.co.nz/international/pacific-news/566491/tahiti-tops-medal-tally-as-2025-pacific-mini-games-concludes-in-palau
