Mae’a suesue le talosaga a Tuilaepa ma Lealailepule faatali se faaiuga
O se tasi o mataupu tau faamasinoga i se lu’i faaletulafono ua tālia se faaiuga, o le talosaga a le taitai o le HRPP ma le sui faipule o lea vaega faaupufai le tofa Lealailepule Rimoni Aiafi faasaga i le faaiuga a le Palemene e pei ona faamalolo le tumau ai mo le 2 tausaga. […]
Finau loia a faipule ua faamavae ma le HRPP e le agavaa i ala faaletulafono ona auai le pati faaupufai
Ua finau le loia o loo tauaveina le talosaga a le vaega faaupufai e puipuia aiātatau a tagata i le fia auai i le faamasinoga o sui faipule e toatolu ua faamavae ma lea pati faaupufai, e tatau ona tali le vaega faaupufai i ni tuuaiga ua faaalia e nisi o ia sui faipule ia […]
Manaomia ni tamafanau a Samoa e avea ma fomai manu
I le lata i le 30 tausaga talu ona faatuina le sosaiete e vaaia le puipuia lelei o meaola e pei o taifau ma pusi i Samoa, e na o le pau lava lea o le auaunaga o loo togafiti ai le ola lelei o ia meaola ma taofia ai le taaloa ma le pipisi […]
Folasia i le laulau a fono a le Kapeneta le lipoti a le komisi suesue o faigapalota
Ua i luma nei o le Kapeneta le lipoti a le komisi suesue o faigapalota ma le faamoemoe o le a tuuina atu i le Fono Aoao Faitulafono mo le lauliliuina. O se lipoti na faaalia e le taitai o le Malo ua iai fautuaga i vaega eseese mo le agai i luma mo le […]
Auai le Ao o le Malo ma lana masiofo i le faapaleina o le Tupu o Peretania
Ua tuua le atunuu e le afioga i le Ao o le Malo ma lana masiofo i le faamoemoe e auai i le faauuga o le a faapale ai le Tupu o le Malo o Peretania tele, lana Maiesetete le Tupu o Salesa III. O lea foi sauniga mamalu o le a faapale ai ma […]
“Sa tatau ona loka le vaa pe a leai ni pepa”…Palemia
Ua tālia nei e le Tamaitai Palemia o le Minisita foi lea o Femalagaiga se lipoti mai se suesuega o loo faagasolo, a matagaluega uma a le Malo e fesootai a latou auaunaga i le mataupu i le vaaafi mai Amerika Samoa na uia ogasami faatulafonoina o Samoa e aunoa ma ni pepa. Sa tāpā […]
Suipi le Manumā i lana taaloga muamua o le World Pacific Challenge
O le amatalia o le taamilosaga o le World Pacific Challenge o loo talimalo ai Samoa i ‘au a Tonga, Fiti ma Iapani, na manumalo ai le Manumā i le uluai taaloga o le taamilosaga lenei, lea na faia’ina ai Tonga i ‘ai e 7 i le 69 a le Manumā. I le tasi o […]
Toe poupou le lumanai o aiā i le saolotoga e faaali ai lagona ma manatu
O le toe poupou o le lumanai o aiā i le saolotoga e faaali ai manatu ma lagona e agavaa iai tagata uma, o le autu lea ua faatāua e Malo Aufaatasi i lenei tausaga, i le faamanatuina o le aso faavaomalo mo le saolotoga o tagata uma o loo galulue ma tautua i tomai […]
76 alii ma tamaitai, pulega o fuimu ua siitia tulaga i le galuega
E lei mamao tele atu le sauniga na faalauiloa ai nisi o Malu o le Malo ua siitia o latou tulaga faaleoleo ma siitia ai foi ma faamanuiaga tau totogi. Ae o le faamanatuina o le aso o auaunaga tau fuimu i le lalolagi ua faailoa ai foi ma le siitia o tulaga o le […]
Ave le lapataiga i le vaa mai Amerika Samoa, ae faaauau suesuega a leoleo
O le toe foi i Amerika Samoa o le vaaafi a se alii faipisinisi i le teritori na sau ma se uta mo se faalavelave o se maliu o le aiga o le faipisinisi i Savaii, ua ave iai ma le lapata’iga a le vaega o femalaga’iga i le Matagaluega a le Palemia ma le […]
Suesue le uma o le ola o se pepe ina ua uma ona fai lona tuipuipui
A o faagasolo ai pea le galuega a le auaunaga tau soifua maloloina o le faia o tuipuipui o le faamai misela, rubella ma le mummy, ua faailoa e le Faatonu Sili Aoao o le soifua maloloina le susuga Aiono Dr Alec Ekeroma, le faia ai o se suesuega i le mafuaaga o le fano […]
Pa’ū le suauu kiso ma le kalasini, ae tasi sene ua sii ai le penisini mo Me 2023
O masina o Mati ma Aperila e lei suia ai le tau o suauu ma penisini i Samoa, ae o lea ua isi se suiga i le tau o ia oloa manaomia mo le masina fou lenei o Me. O le penisini e tasi le sene ua sii ai le tau lea sa 3 tala […]
Tufatufa i a’oga a le Malo meaalofa o le puipuiga o le soifua maloloina
O le vaiaso muamua lenei o Me ua tufatufa ai i a’oga a le malo se meaalofa o puni fofoga, o vailaau e fufulu ai lima, o vaega e sue ai auga o le faamai Koviti-19, ma vailaau e fufulu ai nofoaga e pei o faleui, ma ua fetaui lelei le foai lenei e tusa […]
Tapena le uluai galuega faafomai manu, togafiti taifau ma pusi i le motu i Savaii
Ua taunuu i Samoa se fesoasoani tāua o ni fomai manu mai Niu Sila se toatolu ma tausi soifua fesoasoani poo vet nurses e toatolu, mo le faia o se uluai galuega i le motu i Savaii o le togafitia lea o taifau ma pusi a aiga, ina ia taofia ai le taaloa, ma taofia […]
Amata e le Ekalesia Asofitu o le Toe Afio Mai, faaaliga o faatoaga ma faigafaiva
O le Ekalesia Asofitu o le Toe Afio Mai i Samoa ua amatamea i le lagolago i le polokalame a le Malo o le faia o faaaliga o uluai seleselega ma talomua, e pei ona sa faatino lea faaaliga i le Aso Lua o lenei vaiaso i le lotoa o le nofoaga tutotonu o lea […]
E 31 tausaga o se alii ua falepuipui i le faaoolima matagā
O se alii e 31 tausaga le matua sa galue i se isi kamupani e latou te faatau atu ma kiliva i faleoloa pepa telefoni poo phone cards a le kamupani telefoni feavea’i ma fesootaiga televavave faaonapo nei le Digicel Samoa, ua faasala e le faamasinoga maualuga i le valu masina i le falepuipui, ina […]
284 afe ua maua e le Manu Samoa i le leitiofoni saili tupe
E silia i le 284 afe tala le tupe na maua i le sailigatupe a le Manu Samoa i le faaiuga o le vaiaso na tea nei e TV ma se leitiofoni ma o loo galulue nei i latou uma na feagai ma lea faamoemoe i le aoina o foai. Ua faailoa e le taitai […]
Puipui e le aufagogota, auvaa o le Second Chance le Ipu o le siamupini 2019
Ua lua nei aso o faagasolo le tauvaga faavaomalo o fagotaga i ogasami loloto o Samoa lea e 30 aufagogota mai Niu Sila, Ausetalia, Amerika Samoa ma Samoa o loo tauva ai. E le o tuumāmāina e le siamupini mulimuli o le tauvaga lenei mai Samoa le aufaifaiva o le vaafagota o le Second Chance […]
Faataga ona tuua ogasami o Samoa ina ua faamalieina aiaiga o tulafono faavaomalo
Ua faataga e leoleo ona tuua ogasami o Samoa e se vaaafi mai Amerika Samoa, ina ua mae’a ona faatumu pepa ma faamalieina aiaiga o tulafono faavaomalo i le tuanai o se gaioiga na malaga mai ai lea vaaafi mai le teritori, uia ogasami faatulafonoina o Samoa Tutoatasi ma malaga faasasa’o i Salelologa i Savaii […]
Tapuni avanoa na faasalalau, ae sosoo ma faasalalauga taufaasese o avanoa faigaluega i le Ofisa o Faigapalota
Ua faia suesuega a le ofisa o le komisi o faigapalota e saili poo ai le tagata poo ni tagata ua faia se faasalalauga taufaasese, ua alu ai le logo i luga o fesootaiga o le api o foliga, ua faailoa ai le sailia o ni tagata faigaluega a lea ofisa tāua o se auaunaga […]
Faailoa lautele le polokalame o le tuumalo o le afioga Akiepikopō Alapati Lui Mataeliga
O le tasi o le aoauli o le Aso Lua o le vaiaso nei, e taunuu ai i Samoa le tino maliu o le afioga i le Akiepikopō le afioga Alapati Lui Mataeliga, o le taitai o le Puleaga Aoao a Samoa Apia o le Ekalesia Katoliko. Ua faailoa le aso e taunuu ai mai […]
Faatauto pisikoa fou ua galulue i Samoa
E toafitu le vasega o alii ma tamaitai pisikoa Amerika ua sauni e tautua le Matagaluega o Aoga i le avea ma faiaoga e aoaoina le tusitusi ma gagana tautala i le faaperetania poo le Igilisi i aoga i Samoa ua tofia e galulue ai. O le Aso Faraile ua mavae na faatauto ai i […]
Faate’ia le alii loia o Quentin Sauaga i le musu faafuasei o Malele Paulo
Ua sauni le alii loia le susuga Quentin Sauaga e tuuina atu lana talosaga i le faamasinoga e faamuta ai ona ia tauave le itu a le susuga Malele Atofu Paulo, ina ua talia e le faamasino sinia le afioga Vui Clarence Nelson, le manao o Malele e sui lana loia e finauina sona faasalaga […]
Toe malolo fanau i le tuuaga, ae galulue pea faiaoga e tapena galuega ma ave i fanau e aooga ai i le fale
O le toe malolo o fanau aoga uma i le atunuu i le vaiaso nei, ona o se talosaga a le matagaluega o le soifua maloloina i le Kapeneta ona o puipuiga o le fulū ua aafia ai le toatele o fanau, ua faailoa ai e le Ofisa Sili o pulega o le Matagaluega o […]
Leitiofoni a le Manu Samoa, saili tupe mo tapenaga o le Ipu o le Lalolagi
O le Aso Faraile lenei 28 o Aperila ua faia ai le sailiga tupe a le tatou aulakapi o le Manu Samoa ua faaaoga ai auala o fesootaiga i televise ma nisi o leitio i lo tatou atunuu. O se faamoemoe o le a saili seleni ai auā tapenaga o le Ipu o le lalolagi, […]
Taunuu le faaaili o le U.S. Pacific Fleet Band e faafiafia i le faaaliga o musika Jazz
A o loma le faaaliga o fatuga o pese ma musika faaonapo nei i le masina fou o Me, ua taualuga galuega o lenei masina o Aperila i le faaaliga o musika Jazz, ua malaga mai ai le faaaili a le fitafita o le Malo tele o Amerika ua ta’ua o le U.S. Pacific Fleet […]
“E le toe oo Samoa i mafatiaga faigata o le faamai misela o le tausaga 2019”…Faatonu Sili o le Soifua Maloloina
A o mataitu ai nei e le auaunaga a le soifua maloloina le pipisi o le faamai misela i Amerika Samoa, e pei ona faailoa aiaiga o puipuiga o Samoa mai tagata e malaga mai le Teritori, ua faaalia e le Faatonu Sili o le soifua maloloina i Samoa Tutoatasi, ua iai nei le auaunaga […]
Toatele fanau ua taofia mo togafitiga ona o auga o le flu
Ua lē lava moega i le vaega o le maota gasegase i Motootua e faapitoa i fanauiti le Pediatrics ward, mo fanau ua taofia ona o auga o le flu pepesi nei i lo tatou atunuu. Talu ai lea tulaga ua ave ai nisi o fanau ua taofia i falemai faaitumalo e latalata i o […]
Faaauau le $17.7 miliona le fesoasoani a le Malo mo aoga uma i Samoa
E leai se suiga i le aofaiga o le vaegatupe ua pasia e le Malo e ala mai i le Kapeneta mo le polokalame masani o fesoasoani i aoga uma i le atunuu, e aofia ai aoga a ekalesia, aoga tuma’oti, o aoga o matata eseese, aoga amata, o aoga mo i latou e iai […]
Talatala nisi o aiaiga o pemita malaga i Amerika Samoa
Ua tolu feiloaiga a taitai o faigamalo a Samoa e lua i le fono o le Atoa o Samoa talu ona filifilia le faigamalo fou a Tutuila ma Manu’a faapea Samoa Tutoatasi, ma ua faamautu ai nisi o maliega i tulaga i pemita malaga e ulufale ai tagatanuu o Samoa i le teritori. O le […]