Taunuu le fesoasoani a Niu Sila o vailaau o le tuipuipui o le tale vivini mo tagata matutua

E 6 afe le uta o vailaau o le tuipuipui o se foa’i a Niu Sila ua taunuu mai mo le matagaluega o le soifua mālōlōina, ma ua talafeagai le foa’i ma le pipisi o le faama’i o le tale vivini. O ia vailaau o le a faaaogā mo le puipuia o tagata matutua mai […]

Maualuga pea le taumafai o tamaitai ae pa’ū maualalo lava le itupa o alii i faai’uga o su’ega

O le taunuuga o su’ega a le malo mo fanau a le atunuu mai lava i a’oga tulagalua e oo i kolisi maualuluga i le vaega o a’oga a le malo, ekalesia ma a’oga tuma’oti, ua faailoa e le Ofisa Sili o le matagaluega o a’oga ma aganuu, o loo maualuga pea le taumafai o […]

57 tagatānuu Samoa ae 151 tagata Tonga o loo lavea i le lisi o tagata e aveesea faamalosi ma Amerika

Ua faailoa le lisi o atunuu o le lalolagi o o latou tagatānuu e aveesea faamalosi pe tipoti ese ma Amerika i le amatalia o le tasi o folafolaga a le Pelesetene ua iai nei o lea malo, o le toe faafoi i o latou atunuu o tagata o loo nonofo faasolitulafono i eleele o […]

Laumanu’ia le oo atu o le pagota sola o Lauititi i Faleatiu ma Satapuala

Ua silia nei ma le vaiaso talu ona sola ese ma le falepuipui i Tanumalala le pagota o Lauititi Tualima ma e le’i maua lava, ae o loo faaauau pea sa’iliga a leoleo. O lea ua faailoa e le Komesina o leoleo, falepuipui ma le toe fuata’ina ua iai faamatalaga ua oo atu ua ta’ua […]

Molia se faipisinisi ma ni tagata faigaluega se to’alua le ‘aisa na maua e le ofisa o le tiute ma ta’ifau sosogi a leoleo

Ua taofia nei i le vaaiga a leoleo mo su’esu’ega atili ni tagata se to’atolu lea ua molia i ni solitulafono e fesoota’i i le 10 kilokalama o le nakoti o le aisa lea na maua i sa’ili’iliga a le ofisa o le tiute ma le vaega o ta’ifau sosogi a leoleo i le afiafi […]

Amata le tausaga fou i le feiloa’i o sui faipule o le faafaletui o le HRPP ma lana ‘au lagolago

Ua faailoa e le ta’ita’i o le pati faaupufai e puipuia aiātatau a tagata i le fono a le faafaletui o faipule a lea vaega faaupufai ma ona sui lagolago sa usuia i le nofoaga tutotonu o le pati i le Aso Tofi o le vaiaso nei, e lē tatau ona toe tupu le faaletonu […]

Leai se solomuli o le ofisa o faigafaiva i le faamalosia o le fua o i’a ma figota i le lapopo’a e tatau ona faatau ai

Ua toe ave le faamanatu a le ofisa o faigafaiva i le matagaluega o faato’aga i le aufagogota, ma le aufaatau i’a ma figota ina ia tausisia le fua o i’a ma figota i le lapopo’a e tatau ai ona faaaogā aemaise i le faatau atu i le atunuu lautele. Ua faailoa ai e le […]

Faagasolo le vaega lona 2 o le galuega e aveesea ai suāuu mai le manuao o le Manawanui

O le taimi nei e le’i mafai ona faamautūina pe fia se mamafa o le suāuu ua aveesea ae o le a iloa lea tulaga i se taimi pe a mae’a isi galuega o loo faia. E pei ona silafia e lo tatou atunuu o loo iai pea le tapu o le fagotaina o se […]

Maua i le masini Xray-scanner a le ofisa o le tiute le 10kg o pauta faasāina o le aisa

Ua tau le ‘ai o le faamanatuina i lenei vaiaso e le ofisa o le tiute o le aso faavaomalo e faatāua ai le latou auaunaga, i le maua i le latou masini fā’ata e su’e ai pusaoloa mai fafo le Xray-scanner le pauta faasāina o le aisa e tusa lona mamafa ma le 10 […]

Taunuu le Tausala o Samoa ma le Tausala o le Pasefika i Solomona

Ua iai nei i Solomona le Tausala o Samoa le tamaitai o Litara Allan Ieremia mo le tauvaga e sa’ili ai se Tausala o le Pasefika, ae ua to’ai taunuu ai foi ma le tasi alo tamaitai o Samoa o loo tauaveina le pale o le Tausala o le Pasefika le tamaitai o Moemoana Safaatoa […]

Lē maua le aofa’iga o sui faipule e mafai ona usuia ai se fonotaga faapalemene

E lē o manino i le finagalo o le Fofoga Fetalai o le Palemene ina ua toe tauaofia i le 8 o le po o le Aso Lua, pe o le ā le mafua’aga na lē auai atu ai sui faipule o le itu faaupufai o loo agaia le malo, ina ua tolopo e toe […]

Tamaitai Samoa lauiloa i tomai i le gaseseina o taumafa, avea ma amepasa o Samoa i le atina’e o tagata tafafao

Ua afea le atunuu mo le lua vaiaso e le tamaitai o Monica Taumate Galetti o se Samoa ae o loo faamautū nei i Peletania ma faagaioia ai lana pisinisi o se fale’aiga, ona o Monica e na te umia faailoga maualuluga i le tomai o le kuka, poo le tagata e matuā lelei lava […]

Faailoa e le Minisita o tiute, oloa ua sao mai i Samoa e lē o faia ni tiute

O le faamanatuina e le ofisa o le tiute o le aso faavaomalo o lenei tausaga e faatatau i le tāua o galuega a le tiute e aofia ai le leoina ia malu tuaoi o atunuu, ua ave ai le lu’itau a le Minisita o le Matagaluega o Tiute ma Tupe Maua i le pulega […]

Valaaulia le afio’aga o Vaiala i sauniga o le Tuto’atasi o le malo o Nauru

O le afio’aga o Vaiala i le itumalo o le Vaimauga na avea le atunuu o Nauru ma latou paaga e autū iai a latou teuga aai, i le taligamalo a Samoa i le Fono a Malo o le Taupulega ia Oketopa o le tausaga na te’a nei. Sa faatino ai e le nuu se […]

Faamauina e le malo le lagolago a sui faipule e toe aumai se vaalele tele o le Samoa Airways 

Ua faamauina e le malo nisi o atugaluga ua faaleo i le palemene mai sui faipule ina ua talanoaina le lipoti mo le atinae o tagata tafafao, lea ua lilifa ai le lagolago i le fautuaga mai lea lipoti ina ia toe aumai se vaalele tele mo malaga i le va o Samoa ma Niusila […]

Faatali le faamasinoga pe taunuu le toe tuu faatasia o itutino e lua o le faamasinoga a Samoa 

I le toe amata ai i lenei vaiaso o galuega masani o le tagofia o mataupu tau faamasinoga mo lenei tausaga fou, o se tasi o laasaga taua o loo nofo faatali iai le faamasinoga, o le fuafuaga a le malo e toe tuu faatasia le faamasinoga o Fanua ma Suafa i se pulega e tasi […]

Faailoa polokalame faagasolo o le atoaga o le 20 tausaga o le Toomaga mo e Puapuagatia 

I le tausaga e 2005 na uluai faavae ai le faalapotopotoga tumaoti o le Toomaga mo e Puapuagatia poo le Samoa Victim Support Group, o le tausaga nei 2025 ua atoa iai le 20 tausaga o le auaunaga a le faalapotopotoga. Ua faailoa ai e le Toomaga nisi o ana polokalame faalauiloa i le tausaga […]

Molia se alii faipisinisi Saina i ni solitulafono e fesootai i  lona umia o se laau malosi na manu’a ai se alii leoleo 

E lei tuanai atu se vaiaso na faia ai se galuega a le Matagaluega o Leoleo e faamalamalama le tulafono a Samoa i nisi o tagatanuu o Saina o loo aumai i Samoa ona o pisinisi ma isi mafuaaga, ae tulai mai le gaioiga solitulafono e aafia ai se alii Saina e fai lana pisinisi […]

Tapena le faamasinoga i le toe amatalia o galuega e tagofia ai mataupu tau faamasinoga

O le Aso Gafua a sau ua faamoemoe e toe amatalia ai galuega masani i le tagofia o mataupu tau faamasinoga e lē gata o le faamasinoga o soligatulafono, ae faapea le Faamasinoga o Fanua ma Suafa. Ua faailoa e le matagaluega le tapunia o lona ofisa i Tuasivi mo le Aso Faraile atoa lenei, […]

Faia su’esu’ega a leoleo i le mu o se maota i Faleula

O le vaveao o le Aso Tofi o lenei vaiaso na molimauina ai e nisi le faatama’ia i le malaia poo le afi o le maota Samoa tele e tulata i le alatele o le malo i le afio’aga o Faleula. O le maota lea sa faaee ai le suafa matai o Leuluaialiiotumua i le […]

Sola ma le falepuipui le pagota o Lauititi Tualima o loo falepuipui i le toso teine, gaoi ma le talepe fale

Pe ā ma le 19 itula talu ona sola ese ma le falepuipui i Tanumalala le pagota o Lauititi Tualima, ae faataalise mai le faasalalauga a le matagaluega o leoleo, falepuipui ma le toe fuata’ina e talosagaina ai se fesoasoani a le atunuu mo le toe sa’ilia o lea alii pagota. Faaalia e le matagaluega […]

Faailoa e le Pule Faatonu le faatau faasolitulafono i Samoa o masini faatekonolosi

E iai pisinisi i Samoa ua molimauina e le Pule Faatonu le afioga Gisa Lematua Tagaloa a Taoa Fuatai Purcell, o loo latou faatau solitulafono oloa tau masini faatekonolosi e pei o telefoni feavea’i, masini komepiuta o le ituaiga laiti o laptops, walkie talkie ma meapu’eata faalele poo drones. Ua faaalia e le Pule Faatonu […]

Uma le pisa o le au faisaofaga, ina ua faailoa le 4 pasene o le faamanuiaga a le NPF

Ua galoma ma mou atu le pisa o manatu o nisi o le au faisaofaga sa aliali i luga o fesoota’iga televavave le social media, ina ua faailoa e le Minisita o Tupe o loo iai ma le vaaia o le Faalapotopotoga o le Faaputuga Tupe o le Lumanai Manuia o Tagata a Samoa le […]

37 lipoti a auaunaga eseese a le Malo o loo soalaupule e le Palemene

Ua faaauau pea galuega a le Palemene i lenei vaiaso lea na amata i le Aso Lulu ona talanoaina lipoti e 37 a nisi o auaunaga tuma’oti ma matagaluega a le malo. O ia lipoti sa su’esu’eina e komiti filifilia a le Palemene lea sa latou iloilo ai auaunaga eseese a le Malo aemaise o […]

Lagona pea le loto foa’i i le galuega a le Toomaga i le nofoaga o le Campus of Hope

Ua toe soalaupule e le auaunaga a le Toomaga mo ē Puapuagatia i le amataga o ana galuega o lenei tausaga fou, ana polokalame faatino e faalauiloa ai pea ana taumafaiga e tetee atu i sauāga aemaise ana fuafuaga o loo fesoasoani ai i aiga limavaivai e ala i le tasi o ana polokalame o […]

Filfilia se tamaitai Samoa sa avea ma Faamasino, afioga Tafaoimalo Leilani Warren i le Waitangi Tribunal

I le tuua ai e le afioga Tafaoimalo Leilani Warren, o le tautua sa avea ai ma loia i lo tatou atunuu aemaise foi sa galue o se Faamasino o le Faamasinoga Maualuga a Samoa, sa siitia atu e faaauau lana galuega i tomai tau tulafono i Niu Sila i le Iunivesite o Waikato, ae […]

Toe faamanatu i Fono Faavae lipoti mana’omia e faamautū ai tufatufaga o le miliona

O lea ua faailoa e le Ofisa Sili lagolago o le matagaluega o tina ma tamaitai atina’e o afioaga ma agafesoota’i o loo vaaia le vaega o poloketi, le toe faaauau o tapenaga mo le poloketi o le miliona mo itumalo faapalota e 51. Ua aumai i se tulaga faalaua’itele lea faalauiloa e le Ofisa […]

Valoia le aafia o polokalame tau soifua mālōlōina i Samoa ma isi atunuu pe a faatino le mana’o o Amerika e o ese ma le WHO

Ua iai se faamata’u i ni aafiaga o polokalame eseese a le faalapotopotoga o le soifua mālōlōina o le lalolagi, o loo manuia ai atunuu tau atia’e ma maualalo tamaoaiga e pei o Samoa, ona o lea ua faamautū e le Pelesetene ua iai nei o le Malo o Amerika o Donald Trump, e faamuta […]

Faaauau le tauave e le Palemia ma lana Kapeneta o tofiga i le Pulega Faatonu

O vevesi faalotoifale i le vaega faaupufai o le Faatuatua i le Atua Samoa ua Tasi, ma aafia ai ma upufai o malo, ua taoto nei i lagotonu ia faafatiatama’i ina ua faaauau pea le ta’ita’iga o le Malo e le tamaitai Palemia ma lana Kapeneta, e mafua ina ua saunoa le Fofoga Fetalai i […]

Fua le mae’a o le 5 tausaga o le paeaiga faapalemene lona 17, i le lagolagoina o tulafono ma fuafuaga tau tupe a le Malo

Ua manino i le saunoaga faaminisita a le Palemia i le Palemene i le Aso Lua, ua nofo sauni e faatino malosiaga o le tulafono faavae e faata’ape ai le Palemene ae toe faia se isi palota tele, pe afai ae lē faatuatuaina le malo. E faasino le finagalo o le tamaitai Palemia i nisi […]