E to’alima skiers poo i latou e faasee i le aisa, na maua tino maliliu i se nofoaga e to’a ai le aisa e lata i le Swiss Mountains i le Aso Toonai.
Fai mai lipoti na maua e isi foi tagata faasee i le auvaemauga.
O le vaalele helicopter na taumafai atu e momoli foma’i i le nofoaga na tupu ai le faalavelave ma iloa ai o tino maliliu e to’atolu e foliga na tanumia i se sologā aisa a o le isi to’alua na maua e latalata ane ma o le taimi nei o loo faagasolo su’esu’ega i le faamautūina o i latou ua maliliu atoa ma le mafua’aga ua maliliu ai.
Ua amata aloa’ia e le Loia Sili le su’esu’ega o lenei faalavelave ae manatu nisi e foliga o le aisa na solo ane i auvaemauga ua mafua ai le maliliu a o tālia ai se faamaoniga o le mafua’aga.
Puna o Faamatalaga: https://edition.cnn.com/2025/05/25/europe/skiers-found-dead-swiss-mountain-intl
