O le atunuu o Suriname i Amerika i Saute ua o latou filifilia mo le uluai taimi se tamaitai e avea ma o latou Peresetene.
O le tamaitai e suafa ia Jennifer Simons lea ua ave iai le lagolago a le atunuu e avea ma Peresetene ma ua maea ai nei foi le faigapalota a le atunuu ina ua ioe le silia ma le ⅔ o le palemene i le ua filifilia. Fai mai le tamaitai Peresetene i le lipoti a le CNN o le a faaaoga lona iloa ma le tomai mo le tautuaina o ona tagata.
E 71 tausaga o le soifua o le tamaitai Peresetene ma ua ia faailoa o le a amanaia foi lagona o tagata talavou i le atunuu ma o lona manatu ua ia iloa le avega ma le matafaioi ua tuuina atu ia te ia ma e na te le manaomia le tele o faamatalaga ae agai loa e faatino le galuega.
O le peresetene sa iai talu ai o Suriname o Chan Santokhi sa faitioina e nisi i le le lava o le puipuiga mo nai tagata matitiva ma e sa iai i tulaga maaleale i totonu o le atunuu.
Puna o Faamatalaga: https://edition.cnn.com/2025/07/06/americas/suriname-parliament-elects-first-female-president
