O le Peresetene na sola ese o Suria, Bashar al Assad ua ia faailoa i lipoti i luga o upega tafa’ilagi o ia e le’i fuafuaina sona alu ese ma lona atunuu.
Ua lipotia o se fe’au faauaealesi na fai ane e Assad ua ta’ua ai lea faamatalaga ma o loo masalomia foi e nisi e lē o Assad e ana le telegram lea.
O loo ta’ua e faapea o lona aga’i ese ma Suria e le’i fuafuaina, o ia sa iai lava i Damascus ma faatino ona tiute se’ia oo i le vaveao o le Aso Sa, 8 o Tesema ma fautuaina ai o ia e Lusia e aga’i ese atu pe afai e osofa’ia.
Na ia ta’ua foi i lea fe’au faauaealesi o lona tofiga o le Peresetene ua faalēaogāina ina ua pulea le atunuu e tagata faatupu faalavelave.
Puna o Faamatalaga: https://www.9news.com.au/world/bashar-al-assad-first-comments-says-he-didnt-plan-to-flee-syria-according-to-presidency-telegram-account/5301b9ab-8e12-4c61-a8a4-722cc923a9e0
