A itiiti mai pe to’a 20 tagata ua fasiotia ma le 52 o loo manunu’a i se osofa’iga faatupu faalavelave ua tula’i mai i le atunuu o Suria i se Ekalesia Greek Orthodox i le laumua e pei ona faamaonia mai e le matāgaluega o le soifua mālōlōina a lea atunuu.
Ua faailoa e le CNN e lē o iai se tasi ua siilima i lea faalavelave ae talitonu le matāgaluega o matāupu faalotoifale a Suria, o le faalavelave na faatupu e se tagata faapā pomu pule i le ola e iai ona sootaga i le ISIS.
Fai mai na ia tafana tagata i le ekalesia lea a le Mar Elias Church i Damascus a o ia le’i faapā le pomu na saisai i lona tino.
Na faia le osofa’iga lea a o faia le misasā a le ekalesia ma o loo iloa lelei atu i videos na maua le tele o tino maliliu i le nofoaga na tupu ai le faalavelave.
Ua tau fai faaoo ane faamaisega mai ofisa o le va i fafo a atunuu e pei o Take, Isaraelu, Iraq, Greece, le Atu Alapi ma isi ia Suria ona o lea faalavelave, ae o le faanoanoaga o nisi ua faailoa i luga o upega tafa’ilagi ua ta’ua ai, ai foi a toe amata vaaia nei ituaiga osofa’iga faatupu faalavelave ua tele soifua ua ma’umau ai i tausaga ua tuana’i.
Puna o Faamatalaga: https://edition.cnn.com/2025/06/22/middleeast/church-attack-damascus-syria-intl-latam
