Ua suesue le maliu o se tasi o loo masalomia ai le tui o le Koviti, peitai I uluai suesuega e leai se fesootaiga
Ua faamaonia mai e le matagaluega o le soifua maloloina o lea ua faaoo atu ripoti I lea maliu ma ua faia nei suesuega I le maliu faafuasei, ma e le o mafai ona faailoa faamatalaga faatatau I lea tagata e oo lava I le matua o lona soifua
Saunoa ai le minisita o le Koviti, Chris Hipkins, o suesuega masani o loo faagasolo e le faapea ua faia ona e fesootai ma le tui, peitai, o sitepu masani o iloiloga e faia ia I latou e maliliu pe aafia foi I le maea faia o le tui
O le sau o lea tala ananafi, o le lona 4 a’i lea o tagata ua suesueina pe fesootai maliu ma le tui o le Koviti
O le vaiaso talu ai lea na faamaonia mai ai e leai se fesootaiga o le tui ma tagata matutua toatolu na maliliu I aso mulimuli ane talu na uma faia o latou tui
I se vaaiga I le faagasologa o tui I totonu o le atunuu, o lea ua silia ma le 321,000 tagata Niu Sila ua maea faia tui muamua e oo mai I le aso ananafi, ae 152,000 I latou ua maea faia uma tui e lua
