O loo su’esu’eina nei e leoleo se matāupu ma alia’e mai i Newmarket i lenei vaiaso.

O lea matāupu, na fano ai le ola o se alii, e faapea se faamatalaga sa taumafai lenei alii e sola ese mai se taavale i luga o le auala le motorway i Newmarket.  

I faamatalaga mai tusitusiga a le Auckland City District Police, o loo faailoa ai sa maitauina le saoasaoa tele o le alu a le taavale a o pasi ane lava i luma o le latou ofisa.

Na tuliloa e leoleo le itu o loo aga’i iai le taavale e faaaogā ai meapu’eata, ma na molimauina ai e leoleo le lavea ai o le taavale.

I le taumafai atu o leoleo i le itu na lavea ai le taavale, ma faamatala sa fai sina tuai ona latou oo atu i le nofoaga, ma e ta’ua sa iai lava le taimi na misi e le taavale a leoleo le nofoaga na iai le lavea.

E faapea a o taumafai leoleo e toe liliu atu, na maitauina e nisi o leoleo o loo mata’itūina meapu’eata le oso i luga o le puipui o le auala laupapa.  

Ma o iina na tupu ai loa le mala, i lona taumafai e a’e i luga o le auala laupapa na pa’ū ai loa.

O loo tau su’esu’e lava pe na oso le alii pe na lavea ma pa’ū ai o ia.  

Na lipotia le taumafai atu o auaunaga faafuase’i e tali ma fesoasoani atu i le alii peita’i o le tugā tele o ona manu’aga mai le pa’ū na maliu ai lava.

Puna o Faamatalaga: https://www.facebook.com/share/p/1FKkkQefKs/