A o suesue ai pea e leoleo lē na fanaina le tamā matua i le Aso Gafua i Pakuranga i Aukilani, o lea ua faamautinoa mai e leoleo e iai sootaga a se tasi o ona alo i kegi.
Taeao o le Aso Gafua a o aga’i Tuipulotu Vi poo Saia Kokohu Vi, 59 tausaga o Pakuranga Heigts mo galuega masani o ia o se avetaavale courier, ae faate’ia ai loa i le fana e se tasi ma tifa ai i tua lana taavale.
E tele fesili a aiga Pakuranga Heights i le mea na tupu, ma i lipoti a leoleo ananafi e pau lea o le faamaoniga ua tuuina mai ma le tala o lea lava e foufou le mataupu ma e lei iai lava se isi ua molia.
O le tamā matua ua ma’umau ai lona soifua o se tagatanuu Tonga, ma ua lpotia e le Herald o se tasi o alo e faasino ia te ia lea e iai sootaga ma fale nei na tafana e kegi i le masina o Iulai.
I luga o le social media ua tele faamaisega mo le aiga faanoanoa e lē gata o aiga ma uo, ae o le toatele o tagata o le komiuniti.
Puna o Faamatalaga: Pakuranga Heights shooting: Police investigating grandfather Tuipulotu Vi’s death probe possible gang links – NZ Herald
