Ua lauina le faasalaga o Tipene Te Ahuru 33 tausaga i le faamasinoga ona o le maliu ai o lona atalii pepe ma ua faailoa i le NZ Herald e soloatoa i le falepuipui faato’ā agavaa i le palola pe a mae’a ona tuli le 17 tausaga.
O le pepe na aafia e na o le 3 masina ma sa faamauina le iai o ni manu’aga i lona tino a o nonofo i se unit i Manukau i le 2022.
E 11 aso talu ona taofia i le falemai ae uma lona ola.
I se faamatalaga mai le paaga a Tipene le tina o le pepe ua ia faailoa ai e pei ona lipotia, e manaomia e Tipene le fesoasoani ae lē o se faasalaga.
Puna o Faamatalaga: https://www.nzherald.co.nz/nz/auckland-baby-murder-trial-tipene-te-ahuru-to-serve-at-least-17-years-for-killing-son/WFAUJNMT6RHQTN4NG6CZC266OY
