Ua molimauina le patipatia ai e le to’atele o tagata Samoa i le lalolagi, le maua ai o faamatalaga, ua sola le tamaitai o Moeatalagi Schwenke ma le manumalo o le tauvaga o le su’egasiamupini i le lalolagi mo le siva afi.
O lenei tauvaga e lē o se tauvaga e fou, ma e maitauina le to’atele o sui o alo ma fanau a Samoa mai atunuu eseese e tausinio i lea tauvaga tele e faia i le Polynesian Cultural Center i Oahu Hawaii.
Mo le vaega o tamaitai e to’a sefulutasi tamaitai talavou e aofia ai ma Moeatalagi na tauvā i lea tauvaga.
Na molimauina foi le to’atele o tamaitai, o alo ma tamafanau o le atunuu o Samoa na auai i le tauvaga.
Na faamauina foi e to’afā sui mai Niu Sila nei, na fai ma avefu’a o le atunuu i lea tauvaga faavaomalo.
E ui i le mata’ina o taumafaiga a tamaitai, ae na matilatila lava taumafaiga a le tamaitai ia Moeatalagi i lea tauvaga, ma sola ai ma le manumalo.
E $2000 tālā Amerika le vaega tupe na maua i faailoga ma le ipu o le tauvaga o le Siva Ailao Afi le Fireknife Dance Competetion mo lenei tausaga 2025.
O le tamaitai ia Moeatalagi o le uso laitiiti lea o lē sa avea ma Tausala o Samoa ma le Pasefika ia Moemoana Safaatoa Schwenke.
Puna o Faamatalaga: https://www.facebook.com/PolynesianCulturalCtr/videos/1319120866013348
