Ua lē ‘asa lava se vaiaso a o se masina o feagai le vaega o tiute ma le tele o mataupu i pauta faasāina e aumai faasolitulafono i totonu o le atunuu.
O le afiafi o le aso ananafi na lipoti mai ai foi le taofia ai e le Ofisa o Tiute, poo le Customs ni pepa iila e silia ma le 25 kilokalama le mamafa o pauta faasāina i le malaevaalele i Aukilani.
I lipoti mai le Newstalkzb faamauina ai e ova atu ma le 23 kilokalama le pauta o le methamphetamine ma le cocaine na maua i totonu o ‘ato, ma e manatu o ni ‘ato na tapena e faafoliga mai e leai se tasi e ana ia metotino, ma aumai i le malaga mai Honululu mo Aukilani.
I mataupu tau nakoti lava, e 57 tausaga o se tamā ua taofia ma molia nei e leoleo i lona taumafai lea e aumai faananā le pauta faasāina o le methamphetamine, faamauina e 1.9 kilokalama le mamafa.
Na taumafai le tamā e aumai lea nakoti i totonu o se atopa’u lavalava.
O loo faasolo su’esu’ega a leoleo i nei mataupu.
Puna o Faamatalaga: https://www.newstalkzb.co.nz/news/national/auckland-airport-customs-officials-seize-more-than-9-million-worth-of-cocaine-methamphetamine/
