Ua faalauiloa mai nei e le malo le faaagaga ai o le oo atu i le $600 miliona, ua fuafua mo galuega faaleleia o auala o feoa’iga mo nofoaafi poo rail networks.
O se tasi lea o fuafuaga a le malo ua faamanino le iai i totonu o le paketi tausaga faaletupe lenei 2025/2026.
O le vaevaeina o lenei vaegatupe, ua faamauina o le $461 miliona o lea faaaogā mo le saga faaleleia o auala o feoa’iga o nofoaafi, o loo fe’avea’ia pusa tetele ma oloa poo freight rail.
Ma le $140 miliona Niu Sila o le a faaaogā mo le faaleleia o auala o feoa’iga mo nofoaafi poo trains i itu taulaga o Aukilani ma Ueligitone.
Ta’ua e le alii Minisita o Fela’ua’iga a le atunuu, Chris Bishop, “ua tele ona lē faatuatuaina auala o feamalaga’iga lautele talu ai le tele o vaega ua moomia ona faaleleia, ae e le’i faatino lava.
Ta’ua e Bishop o le faamatuu atu o seleni mo lea vaega tāua i Aukilani ma Ueligitone, o le a saga faamausalī ai le lelei o auaunaga e tuuina atu mo tagata femalagaa’i.
Ua faaalia foi e le alii Minisita o feoai’ga i nofoaafi, Vaovasamanaia Winston Peters o lea ua iai ni polokalame faataatitia e suia ai le tele o auala o feoa’iga ua silia ma le sefulu tausaga, o aseta ma nisi o galuega tetele ua faamaonia le faatupeina.
Faaalia e Peters, o loo iai le naunauta’iga ina ia maualuga tulaga o auala o feoa’iga o nofoaafi i le atunuu, ma i le lelei o lea itu o le a maualuga ai foi le tulaga o pisinisi, a lelei pisinisi o le a lelei foi vaega uma o aai ma itumalo o Niu Sila.
Puna o Faamatalaga: https://www.rnz.co.nz/news/national/561527/budget-2025-600m-for-upgrading-rail-network
