Silia ma le 1300 tagata faigaluega I district health board ua malolo mai galuega ona  ua faagata tui muamua ao lea e le I faia

E oo mai I le taeao ananafi e 1309 tagata faigaluega I DHBs mai le 80,000 le tuufaatasiga o tagata ua stood down ona ua le faamalieina le poloaiga a le malo lea e tatau ona uma ane le Aso Gafua o le vaiaso lenei ua uma tui muamua o le Koviti

O le DHB a Waikato o loo maualuga ai lava ona tagata faigaluega ua malolo, 154, sosoo atu ai ma Bay of Plenty e 123, ae lona tolu atu iai le Counties Manukau e 119

Mai ia I latou uma nei, e tusa ma faamaumauga na faailoa e 463 o tausimai ao le isi uma vaega e le o faailoaina o latou tulaga

Tala a le Herald o loo galulue pulega ma tagata faigaluega ua faamalolo le tumau mai galuega e ala lea I le taliina o fesili, faatalanoa le ono mafai ona auina atu I nisi vaega e galulue ai, aemaise o le faamanatu iai o le aoga o le faia o le tui

O ai foi tagata faigaluega e toe suia faaiuga ma agai fai tui, o le a mafai ona toe foi I galuega

O le vaiaso fou o loo fuafua e mautinoa ai pe toafia tagata galulue I lalo o pulega faaitumalo a le soifua maloloina o le a tuua galuega ona o le le faia o le tui