E silia ma le 30 faigamalaga I le va o Niu Sila ma Ausetalia ua toe faaleaogaina ona o popolega ile toe pepesi o le koviti 19. O faigamalaga tuusao I le Ea Niu Sila mai Ueligitone, Kalaiesetete, Queenstown agai mai Sini, ua faaleaogaina uma.
O le a faauau pea ona faagaioia e le kamupani vaalele faigamalaga mai Aukilani I Sini ae fai mai pe a ma le 28 faigamalaga a le Ea Niu Sila ua faaleaogaina. E oo foi I le Jetstar ua taua I le ZB ua le taunuu foi nisi o ana faigamalaga ile va o Sini ma Aukilani mo le aso ma taeao.
Ua faia ia fesuiaiga I le maea ai ona faalauiloa e le malo o le a faamalolo le tumau faigamalaga I le va o atunuu e lua mo le 72 itula, femalagaaiga I lalo o le trans tasman bubble.
