O le afioga i le Aoe’e le afioga Asi Semisi Tuiataga Blakelock o se toe ulutaia o le afio’aga o Moataa na ia ooti le lipine e tatala ai le galuega o le fale o le kalapu lakapi a Moataa le Club House, o le pine faamau o le faailogaina o le selau tausaga talu ona oo i le nuu le taaloga lakapi.
O se galuega na faatupe i tapenaga a le kalapu ma le afio’aga e avea ma nofoaga e tapuvae tasi iai le atina’e o le lakapi aemaise o isi fuafuaga o mea fai a le kalapu.
O le Aso Lua lenei o loo faia ai i le taulaga se savali a tamafanau uma a le nuu faapea i latou sa faafailele mai le olaga taalo lakapi i Moataa.
O loo malaga mai fafo i atunuu e pei o Niu Sila ma Ausetalia alo ma tamafanau a le afioaga latou te sami faatasi le atoaga o le selau tausaga o le lakapi.
