O se su’esu’ega na faatautaia ua sau ai nei i tua i’uga o lea su’esu’ega e faapea, o le tuufaatasi o nisi o malae vaalele i vaega o loo taunuu mai iai ma toe faaee ese atu ai pasese a vaalele, airport terminals, o le a sefe mai ai nisi tupe a le kamupani ae atili fiafia ai tagata faimalaga e faaalu a latou tupe.
O se fuafuaga e mafai ona sefe mai ai le tele o tupe, ma e ono pa’ū ai foi ma taugofie pasese i vaalele pe afai e tuufaatasi le malae vaalele faavaomalo ma le malae vaalele mo faigamalaga i totonu lava o le atunuu.
Na ta’ua e le Ofisa Sil o le asosi o Malae Vaalele a Niu Sila, Billie Moore ina ua faatalanoa e Mike Hosking i lana polokalame o le Breakfast i le taeao nei, o se moemitiga lenei ua leva ona iai mo malae vaalele uma, ina ia oo mai le taimi e tuufaatasia ai.
Na ia saunoa, o le faia faapea o le a fesoasoani ia i latou ina ia atili fausia lelei malae vaalele, sefe mai ai foi le tele o tupe faaalu i ovataimi ona o le faaeseese o vaipanoa e faatulaga ai malae vaalele, ae o le tuufaatasia o le a telē ai foi se lelei o le a maua ai e tagata faimalaga.
Ua faatalitali nei la se taimi o le a faamautū ma faatino ai loa nei suiga.
Puna o Faamatalaga: https://www.newstalkzb.co.nz/on-air/mike-hosking-breakfast/audio/billie-moore-nz-airports-association-ceo-on-the-report-looking-at-integrating-domestic-and-international-terminals/
