Ua iai se finagalo o le ta’ita’i o le malo le afioga i le alii Palemia ua ia faailoa ai le silasila ai nei i se fuafuaga e faaaogā iai ni eleele o le malo o Amerika Samoa ua tuuina mai mo le malo tuto’atasi ae le’i faaaogāina lava ia eleele pe tusa ma le 3 eka lona telē.
I le feiloa’iga ma tusitala ina ua mae’a le fono muamua a le Kapeneta o le faigāmalo fou i le Aso Lulu na faaalia e le alii Palemia susuga Laaulialemalietoa Leuatea Polataivao Fosi Schmidt, e ono mafai ona fausia i lea fanua ni fale e faamautū ai o tatou tagata o loo maua galuega i le kamupani tuuapa i’a i le teritori, o se faiga e taofia ai nisi faafitauli o feagai ma o tatou tagata o galulue i lea kamupani.
Afioga i le Palemia susuga Laaulialemalietoa Leuatea Polataivao Fosi Schmidt.
