E tele tausaga o tu pea Siamani i le tulimanu a Isaraelu aemaise i le taimi faato’ā mae’a ai le osofa’iga e le Hamas o Isaraelu ia Oketopa 2023.

Sa fesiligia ai foi le lagolago a Siamani ia Isaraelu ma faamaonia ane ai e lē sa avea ma ta’ita’i o Siamani i lea taimi o Olaf Scholz.

Peita’i la i le vaiaso nei ua agiga ai i upega tafa’ilagi faamatalaga mai le ta’ita’i ua iai nei le Chancellor o Friedrich Merz ua ia faailoa ai lona lē fiafia i le tulaga ua oo iai tagata lautele i Gaza ma aafiaga o loo aafia ai ona o osofa’iga a Isaraelu.

Fai mai le CNN e lē o mautinoa pe aisea ua suia ai lagona o Merz faasaga ia Isaraelu.

Fai mai le lipoti ua fesiligia foi e Merz pe faamata o loo solia e Isaraelu tulafono faavaomalo.

O le tali ane a le Amepasa o Isaraelu i Siamani i le matāupu lea ua ia faailoa ai e Ron Prosor a upufaia e se isi Isaraelu aemaise pe afai o Friedrich Merz, e faalogo lava iai auā o ia o se uo.

Puna o Faamatalaga: https://edition.cnn.com/2025/05/27/middleeast/germany-merz-criticizes-israel-latam-intl