O le tamaitai failautusi aoao o le faalapotopotoga o taaloga a Samoa e aofia ai le komiti o taaloga Olimipeka le SASNOC, le tofa Pula Maureen Epati Tuimalealiifano, ua seei nei o se sui o le Komiti Faatonu o taaloga Olimipeka a atunuu o le Oceania, poo le Oceania National Olympic Committee Board.

O se komiti ua filifilia foi iai sui o isi atunuu e pei o Niu Sila, ma Ausetalia, faapea Papua Niu Kini.

O le fono lona 45 a lea komiti sa usuia i le atunuu o Guam i le Aso Toonai ua mavae sa faia ai ma filifiliga e pei ona pale ai ma le sui o Samoa.

Sa auai i lea fonotaga le Pelesetene ma sui o le Komiti Faafoe o le faalapotopotoga o taaloga ma le komiti o taaloga Olimipeka a Samoa le SASNOC.