Ua una’ia e le alii faia’oga a Scotland o Gregor Townsend lana ‘au ina ia faamautinoa e manatua lelei le latou malaga taamilo o loo alu nei, e ala i lo latou manumālō i le fetauiga ma le ‘au a Samoa.
E 5 suiga ua faia e le alii faia’oga i lana ‘au mo le Test e faia i Eden Park.
Na manumālō Sikotilani i le la taaloga ma le Maori All Blacks 29-26 i Whangarei ae faia’ina ia Fiti i ‘ai e 29-14 i le taaloga i Suva.
Fai mai le alii faia’oga o malaga taamilo nei poo tours e mātele ina manatua pea ona o le faalogona e maua i luga o le malae i le taimi o taaloga.
Mo le Manu Samoa, o le ‘au ua filifilia e to’aono tama taaalo o le a lae’iina le ofu moana mo le ulua’i taimi i le taaloga lea ma ua ta’ua o le ‘au e aofia ai tama taaalo mai kalapu i atunuu eseese e fitu fai mai le faia’oga, Lemalu Tusi Pisi e fia vaai ua faatino e le ‘au le latou game plan ma faatulaga ai le fua mo isi taaloga ua faatulaga i le lumana’i ma ia maua se avanoa i le Ipu o le Lalolagi.
O le fetauiga a le Manu Samoa ma Sikotilani e faia i Eden Park i le aso a taeao.
Puna o Faamatalaga: https://www.bbc.com/sport/rugby-union/articles/cwyrdrwwn47o
