E lua malae vaalele i totonu o Scandinavia, le malae vaalele i Oslo ma Copenhagen ua faamalosia le tapunia mo ni itula ina ua vaaia le felelelea’i solo o ni drones se lua i le po anapo i lea nofoaga.
Fai mai le CNN na aafia ai ma faigāmalaga mo le faitau afe o tagata.
Mo ni itula sa tapunia ai le airspace i luga tonu ane o le malae vaalele o Copenhagen ina ua maitauina foi ni drones tetele se tolu i lea nofoaga ma lē faatagaina ai le feoa’i a vaalele.
O le faamatalaga a leoleo mai Denmark i lea tulaga ua faailoa ai e lē o ni gaioiga ia a nisi e lē iloa faaaogā drones peita’i e lē taumate e telē atu se auaunaga o loo faatonutonuina ane drones ia ma o le tulaga lea o loo masalomia.
Fai mai e aga’i solo atu mai faaitu eseese le o atu a drones ma ua feta’ua’ina ai ma masaloga o Lusia lea o loo faatinoina ia gaioiga uma.
Ua faamauina ai ma se saunoaga mai le Peresetene o le Komisi a Europa, Ursula Von der Leyen e faapea ua lamatia ona si’omaga ma o le a tali atu iai Europa i le malosi ma le naunauta’i.
E tumau pea le mau a le sooupu o le Kremlin, Dimitry Peskov, o ia tuua’iga uma faasaga ia Lusia, e lē faavaea.
Puna o Faamatalaga: https://edition.cnn.com/2025/09/22/europe/copenhagen-oslo-airport-closed-drones-int-latam
