O le a taoto ia le Laau ma ona la, I ou Paia Sautuafafafa Samoa, mai le tai samasama ole Tuimanu’a se’ia paia le tai ulaula O Nafanua. E leai se vave na te gafatia taulima o ou sa ma faiga, aua ua taoto a’o se i’a mai vasa ua ma’ea ona tu’ulaupua. O lenei fa’aliga e fa’asinotonu I si ou matou nu’u o Sapunaoa Falealili. Aua le paia i alo o fanene, le mamalu o lo outou to’afa ma upu i le lotoifale o Manusamoa. Aemaise si o matou pitonu’u o Piu, o lo’o susu ai le suafa faalupea, alalata’i e matutua i le nu’u ma le mamalu ile pitoaai faapea le lautinalaulelei. Ua tasi nei i nisi o Ali’i ma faipule o lo tatou nu’u sa auai ile tatou mafutaga muamua.
O le a usuia la tatou fonotaga ile aso 31 Me ile 8:30am, Tuatusi 241 Kirkbride Road, i Magele aua le faamoemoe e fia fa’ataunuuina i le aso 20/06/2025.
Ua faatalosagaina i si o tatou nu’u se fesoasoani mo le fausiaina o le faleaoga mo alo ma fanau a lo tatou nu’u, faamolemole manatua mai sau ta’ita’i mo se tatou faamalositino. Mo nisi faamatalaga, faafesoota’i le telefoni 021 163 6489.
Faafeta, sainia:Alii ma Faipule o si o tatou nu’u o Sapunaoa Falealili.
