O le tamaitai Palemia o le malo tausi sa saunoa e tatala aloa’ia polokalame o le atoaga o le 100 tausaga o le taaloga lakapi i le afio’aga o Moataa, ina ua taunuu i luma maota o le Malo i le eleele fou solo a tamafanau a le nuu ma ē sa faafailele le olaga taalo lakapi i le kalapu lakapi a le afio’aga.
O le Palemia tausi foi sa ave iai le faaaloalo na te alaluaina ai le keke o le 100 tausaga o le lakapi i totonu o Moataa faatasi ai ma se alo lauiloa o le afio’aga i le lakapi le afioga, Savae Sir Michael Jones ma le susuga i le faifeau o le ekalesia faapotopotoga kerisiano i le afio’aga le susuga Semikueva Faatoafe.
Le Palemia o le malo tausi afioga Fiame Naomi Mataafa i se vaega o lana saunoaga ua tatala ai polokalame o le 100 tausaga o le lakapi i le afio’aga o Moataa.
