Ua faailoa e le ta’ita’i o le vaega faaupufai o le Faatuatua i le Atua Samoa ua Tasi, o le aso 12 o le masina fou o Iulai e faailoa lautele ai lana tapenaga o fuafuaga o le atina’e o le atunuu e finau ai i ana folafolaga faatosina o le palota tele.

O le motu tele i Salafai o le a muamua faia ai lea faalauiloa ma faagasolo ai lana malaga taamilo i itumalo palota uma i Savaii, ae taualuga mai i le motu o Upolu.

Ua faailoa e le ta’ita’i le susuga Laauli Leuatea Polataivao Fosi Schmidt i le feiloa’iga ma tusitala, nisi o ana fuafuaga o loo tapena iai, e pei o le siitia o vaegatupe o le poloketi miliona mo itumalo e tele nuu ma to’atele tagata, faapea ma le tasi o fuafuaga o le aumai loa o se vaalele tele mo malaga aga’i i Niu Sila ma Ausetalia. 

Le ta’ita’i o le vaega faaupufai o le Faatuatua i le Atua Samoa ua Tasi, susuga Laauli Leuatea Polataiavo Fosi Schmidt.