E leai se suiga mo le Labour i palota faapolokiki o loo faia pea, ma o le iuga lea o le palota a le Taxpayers Union na faia lea o loo faaauau ai pea ona pa’ū pasene maua a le Labour.
Ae mo le pati a Winston Peters poo le NZ First, o lea ua sau i luma, ma maua ai nofoa e 7 o le maota.
O le National ma le ACT o loo tietie i luga o le 61 nofoa e osia ai se faigamalo.
Pe a faatusa le palota lenei tuufaatasia e le iuni ma isi palota a ofisa faasalalau o loo faia pea, o loo tai tutusa lava faaiuga ae pau le suiga i le palota lenei o le sau i luma o le pati a Winston Peters ma e lē gata foi la o le sau i luma ae o lona ausia o le 5% e toe ulufale ai i le Palemene e aunoa ma se nofoa faaitumalo.
E tasi le afe tagata Niu Sila agavaa na fesiligia i le palota lenei, 800 i luga o le telefoni ma le 200 na faia online.
