Ua faaauau pea ona malosi ane le finau mai isi atunuu tetele ia Isaraelu ina ia taofia ana osofa’iga faamiliteli i Gaza ma ua amata faailoa ane foi e ia atunuu a latou gaioiga o le a faia pe afai e lē fetuuna’i ane Isaraelu.

Ua lipotia i le CNN o le United Kingdom ma le Iuni a Europa ua o latou faailoa o le a taofia feutana’iga tau fefaataua’iga ma Isaraelu ma o le a iai foi sā e tuuina i tagata o loo aumau i le West Bank.

Ua faailoa foi e le Iuni a Europa o le a toe silasila foi i le mafutaga ma Isaraelu.

Ua faatino ia gaioiga i le mae’a o le aso e tasi na faailoa uma atu ai e le UK, Farani ma Kanata ia Isaraelu o le a tupu le tulaga lea pe afai e lē taofia osofa’iga ma faataga ona ave atu taumafa i totonu o Gaza.

O le faamatalaga mai le Palemia o Peretania e pei ona lipotia e le CNN ua ta’ua ai o le tulaga ua iai nei Gaza ua aafia atu ai ma nai fanau ae o le itu faigatā o le fia aai, ma o loo galulue nei ma paaga i le matāupu lea.

Puna o Faamatalaga: https://edition.cnn.com/2025/05/20/middleeast/israel-gaza-west-bank-international-pressure-intl