A o faaauau ai pea fetauiga i le va o Isaraelu ma Iran, ua faailoa i luga o le social media se saunoaga mai le ta’ita’i o Iran o Ayatollah Ali Khamenei e faapea ua amata nei fetauiga ae i ni nai itula muamua atu sa faia ai se feiloa’iga a le Peresetene o Amerika, Donald Trump ma sui o le vaega o le puipuiga a lona atunuu faatasi ai ma se talanoaga ma le Palemia o Isaraelu, Netanyahu e pei ona faamaonia ane e le Fale Pa’epa’e i le CNN.
Fai mai le lipoti ua faailoa ane e sui mai Amerika o loo silasila le Peresetene i se tasi o finagalo e faaaogā ai le meatotino a le militeli a Amerika e osofa’i ai nofoaga niukilia a Iran ae ua faailoa foi e se tasi sui sinia mai le malo o Isaraelu, o loo faatali lo latou atunuu pe o le a fesoasoani Trump i le faamae’aina o le galuega o le faaumatia o le polokalame niukilia a Iran.
Ua faailoa i le vaiaso nei le faia pea o osofa’iga a Isaraelu i Tehran ae o loo lipotia foi le tali atu o osofa’iga a Iran i totonu o Tel Aviv.
O loo faatalia la se gaioiga a Amerika i lea matāupu.
Puna o Faamatalaga: https://edition.cnn.com/world/live-news/israel-iran-conflict-06-18-25-intl-hnk
