Ua lipotia e le CNN le malie o le Hamas i se fuafuaga fou e faatatau i le taofia o vevesi i Gaza a o galulue ai foi le ‘au mediators poo i latou o loo taumafai e faamautū se filemu i Sasa’e Tutotonu.
Ua ta’ua i le lipoti o mediators mai Qatar ma Aikupito o loo finau ia toe faia talanoaga a o lumana’i ai nisi osofa’iga tetele a Isaraelu i le aai.
I se pepa o faamatalaga mai le Hamas ua ta’ua ai ua o latou taliaina le fuafuaga e pei ona faailoa atu i le amataga o lenei vaiaso e sui nei mai Qatar ma Aikupito.
Na faailoa i le CNN e ni sui se to’alua mai Isaraelu e faapea ua o latou mauaina le tali lea a le Hamas ae ua ta’ua e lē o iai se suiga i le tali a le faigāmalo a Isaraelu i le taimi nei, o loo finau ane ia faamatuu ane e le Hamas tagata Isaraelu o loo ave faapagota, aveesea ‘au’upega uma a le Hamas ma ia faatonutonu e Isaraelu lea teritori.
Puna o Faamatalaga: https://edition.cnn.com/2025/08/18/middleeast/hamas-israel-gaza-ceasefire-proposal-intl-latam
