Ua tuua’ia nei e le Palemia o Isaraelu o Benjamin Netanyahu le Hamas i le lē manana’o e faatino se maliega e taofia ai vevesi ma talosaga ai i le Koluse Mūmū ina ia ave ane taumafa ma sapalai o vailaau mo togafitiga mo i latou o loo ave faapagota i Gaza.
Ua faatino lea tulaga i le mae’a vaaia o le lē fiafia o le to’atele i nisi o ata ma faalauiloa ua vaaia ai ata o nisi o loo ave faapagota.
Fai mai le CNN e silia i le 10 afe tagata na auai i se solo tetee i Tel Aviv i le Aso Toonai na te’a nei ma ua valaau ai ia taofia ia le taua i Sasa’e Tutotonu ma ia faasa’oloto mai tagata Isaraelu o loo ave faapagota i Gaza.
O le amataga o le vaiaso nei ua faailoa ai e le International Red Cross i Isaraelu ma le Occupied Territories ua lē fiafia i videos ua vaaa i upega tafa’ilagi o nai tagata o loo ave faapagota ma ua tatau nei loa ona faamuta ia tulaga ma faauma loa le taua.
E to’atele foi isi ta’ita’i o le lalolagi ua faailoa lo latou lē fiafia i ata na vaaia ma ua faailoa ai ua lē tatau lava ona toe iai se avanoa o le Hamas i Gaza.
Puna o Faamatalaga: https://edition.cnn.com/2025/08/03/middleeast/netanyahu-red-cross-hostages-gaza-latam-intl
