Ua faamata’u ane nei atunuu e pei o le United Kingdom, Farani, ma Kanata ia Isaraelu o le a iai ni a latou gaioiga e faatino, e lē taumate o ni sā e faia ia i latou (sanctions) pe afai e lē taofia isi osofa’iga fou a Isaraelu ua faia nei i Gaza ma le faasā pea ona faaoo atu o taumafa i lea itu o Sasae Tutotonu.

Sa faailoa e Isaraelu i le vaiaso nei o le a faataga ni uta o meaai i Gaza ae iai tapulaa.

Na faailoa foi e le Palemia o Isaraelu o le latou fuafuaga ina ia o latou faatonutonuina atoa le Gaza strip.

E mae’a le malaga asiasi a Trump i le Atu Alapi e le’i iai se maliega na taunuu iai e aofia ai le vevesi i Gaza ae ua lipotia mai i le asō e silia ma le 400 ua maliliu ma le faitau afe o loo manunu’a i osofa’iga a Isaraelu.

I totonu lava ia o Gaza fai mai pe ā ma le 2.1 miliona tagata o loo feagai ma faafitauli o le lē lava o meataumafa.

Puna o Faamatalaga: https://edition.cnn.com/2025/05/19/middleeast/israel-pushes-deeper-into-gaza-what-we-know-intl