O le auai atu i le fono aoao a le taaloga siisii u’amea mamafa i le lalolagi o le Pelesetene o le taaloga siisii u’amea mamafa a Samoa, ua avea foi ma pelesetene o le faalapotopotoga o taaloga a lo tatou atunuu le SASNOC, le afioga Tuaopepe Jerry Wallwork, ua filifilia ai o se tasi o sui e to’a 12 o le Komiti Faafoe o lea faalapotopotoga tele o le taaloga siisii u’amea mamafa le International Weightlifting Federation.

Ua faailoa i le upega tafa’ilagi a lea faalapotopotoga tau taaloga, o le filifilia o Tuaopepe ma isi sui o le Komiti Faafoe e to’asefulutasi o le a latou tauaveina ai ia tofiga mo le umi e 4 tausaga.

O le fonotaga sa usuia i le aai o Riyadh i le atunuu o Saudi Arabia lea na taualuga i le palotaina o le tofi pelesetene ma sui o le Komiti Faafoe e pei ona filifilia ai ma le sui o Samoa.

O le alii o Mohammed Jalood mai le atunuu o Irag ua toe filifilia e avea ma Pelesetene o le IWF le International Weightlifting Federation mo le isi 4 tausaga.