Ua sauni Samoa i lana faigāpalota i le vaiaso nei ina ua faamae’a uma faigā campaign mo le palota a o sauni ai mo le pre-polling poo palota muamua e faia i le aso a taeao.
E 50 nofoa o le Palemene o le a finau ai sui tauva mai vaega faaupufai ua mae’a lesitala mo le palota ma ua faamaonia ane foi e le faauluuluga o le ofisa palota i le RNZ e 187 sui tauva o le a finau mo le faigāpalota o lenei tausaga mai vaega faaupufai e 6 ma sui tuto’atasi e 46.
O vaega faaupufai e aofia ai le Faatuatua i le Atua Samoa ua Tasi, le HRPP, Samoa Ua Potopoto, Samoa Labour Party, Tumua ma Pule, Constitutional Democratic Republic.
A o sauni ai la le atunuu mo le faigāpalota, ua faailoa e nisi na fesiligia e le RNZ e fia faatumau pea le faigāmalo o loo iai nei, fai mai nisi o loo sa’ili ia iai se suiga ae fai mai isi e pule lava le Atua i le patī e faatula’i mai e ta’ita’ia le atunuu mo le isi 5 tausaga.
Puna o Faamatalaga: https://www.rnz.co.nz/international/pacific-news/571057/campaigning-over-samoa-gets-ready-to-vote-in-unpredictable-election
