Ua ave ane e leoleo meafaigaluega poo power tools e taumafai e aveese mai ai se tamaitai ua ia faaaogā se filifili e loka ai lona tagata aga’i i se taavale i le aso lona tolu lenei o solo tetee o loo faia pea i Melepone.
O se taavale sa faapaka i le auala i le taeao analeila lea na saisai ai e lea tamaitai lona tagata ma faaaogā ai e leoleo meafaigaluega ia e aveese mai ai ma le taavale.
Fai mai le lipoti i le asō na aga’i ane le autetee ma poloka le alatele i le fetaula’iga ala i King Street ma Flinders Street ma faalavelavegia ai le feoa’i a taavale i ia magāala.
O le aso ananafi e lei tele se faigata mo leoleo e pei ona faailoa i lipoti peitai la o le asō e foliga e lē faigofie foi.
E silia ma le 20 malu o le malo na lipotia na faamanu’alia i le aso muamua ma o le aso mulimuli lenei o le EXPO poo le faaaliga o a’upega o loo faia lea e afua ai le solotetee.
Puna o Faamatalaga: https://www.9news.com.au/national/melbourne-protests-day-3-final-day-of-weapons-expo/7cc76d6c-0aa3-47c5-a9ec-85ac39a67ef4
