A itiiti mai pe to’alima tagata ua maliliu ma le to’aono o loo tau sa’ilia i se faalavelave tele na pā ai se nofoaga e gaosia ai vailaau chemical plant i le itu i Sasae o Saina i le vaiaso nei.

O lea faalavelave na vaaia ai le alu ane ai o le asu tele ma na ta’ua ua faaleagaina ai faamalama o fale lalata atu iai i lea nofoaga.

O lea nofoaga e i Gaomi City i le itumalo o Shandong.

O isi tagata e to’a 19 na aafia i manu’aga ma aveina atu mo togafitiga.

O ata ua faasolo i luga o upega tafa’ilagi i Saina ua vaaia ai le lilofia o lea faaitu i le asu ma e 55 taavale a le fuimu na aga’i ane e tapē le afi ma le aufaigaluega e 232.

O loo faatalia se isi lipoti mai leoleo i le mafua’aga o lea faalavelave ae ta’ua pe ā ma le 300 tagata faigaluega i lea nofoaga.

Puna o Faamatalaga: https://edition.cnn.com/2025/05/27/china/china-shandong-chemical-plant-blast-intl-hnk