E silia ma le 10 afe vaega’au ma le silia i le 100 o vaaleletau ma taavale a Saina ua faatulaga mo le savali tele a le militeli e faamanatu ai le 80 tausaga talu ona mae’a le Taua Lona Lua o le Lalolagi, na siilima ai Iapani i vaega’au soofaatasi i le aso lua o Setema 1945.
O le nofoaga o le Tiananmen Square i Beijing o loo faatulaga ai lea savali tele ma ua feta’ua’ina o le a maua ai ma se avanoa e vaaia ai nisi o masini fou tau militeli a Saina e faaaogā ai faiga faatekonolosi ma o le ulua’i taimi lea o le a maimoa iai le lautele.
Ua faailoa foi e le CNN o le a faia ai se saunoaga a le ta’ita’i Xi Yinping a o le’i asiasia vaega’au ma ua feta’ua’ina foi le iai ma nisi o ta’ita’i o isi atunuu e pei o Vladimir Putin faapea foi ma le ta’ita’i o Korea i Mātū, Kim Jong Un.
Puna o Faamatalaga: https://edition.cnn.com/world/live-news/china-military-parade-xi-jinping-09-03-25-intl-hnk
