Ua faia talanoaga i le va o le ta’ita’i o Saina, Xi Yingping ma le ta’ita’i o Korea i Mātū o Kim Jong Un e pei ona lipotia e le CNN ma ua faia ia talanoaga i Beijing i le mae’a o le aso e tasi na vaaia faatasi ai i la’ua ia ma le ta’ita’i o Lusia Vladimir Putin i le savali tele a le militeli a Saina sa faia.
O le ulua’i fonotaga aloa’ia lea a ta’ita’i nei e to’alua ua faia talu mai le ono tausaga, o le feiloa’iga mulimuli na faia i Pyongyang i le 2019 ina ua mua’i asiasi Xi i Korea i Mātū i lana malaga aloa’ia muamua.
Ua ta’ua e le CNN sa faia foi le fonotaga a Kim ma Putin mo le lua ma le ‘afa itula i le mae’a o le savali ma sa faatalanoa ai matāupu mo le galulue faatasi ma faafetaia ai foi e Putin vaegā’au a Korea i Mātū sa tau i tafatafa o vaegā’au a Lusia faasaga ia Ukraine ma ua valaaulia nei foi la e Putin, Kim ia malaga atu i Lusia.
O loo faatalia la le i’uga o lea fonotaga ae poo ā foi matāupu o loo faatalanoaina ai.
Puna o Faamatalaga: https://edition.cnn.com/2025/09/04/china/china-xi-kim-meeting-military-parade-intl-hnk
