E 8 tausaga i le falepuipui le faasalaga ua tuuina i se alii mai Saina ona o lona ave faananā o ‘au’upega ma isi aitema faamiliteli i Korea i Mātū e pei ona faamaonia mai e le matāgaluega o faamasinoga a Amerika.
O Shenghua Wen, e 42 tausaga na ia maua le lata i le 2 miliona mai sui o le malo o Korea i Mātū e na te lafo atu ai aitema ia mai le setete o Kalefonia.
O lea alii Saina e aumau i Ontario i Kalefonia ma o loo taofia e leoleo talu mai Tesema o le tausaga talu ai na ia ioeina ai ona moliaga i le taupulepule e solia aiaiga o le tulafono faavaomalo e faatatau i le matāupu o loo aofia ai aemaise o le avea o ia o se agent o se isi faigāmalo e lē faatulafonoina.
Ua ta’ua i le lipoti a o le’i ulufale le alii lea o Wen i Amerika sa fai le latou fono ma sui o le malo o Korea i Mātū i se ofisa o lea malo i Saina ma faatonuina ai loa ina ia lafoina atu aitema ia mo Korea i Mātū.
O le 2023 ua lipotia na ia lafo ai containers e 3 o fana ma isi ‘au’upega mai Kalefonia i Saina ae faamoemoe mo Korea i Mātū.
Puna o Faamatalaga: https://www.bbc.com/news/articles/cg4xg0dlzwpo
