Ua valaau nei le Premier o Saina o Li Qiang i lona atunuu faapea foi ma Ausetalia ina ia galulue faatasi e ui o loo iai pea nai isi matāupu o loo alia’e i le va o atunuu e lua.
O faamatalaga ia ua lipotia i le CNN na faia e le Premier a o iai faatasi ma le Palemia o Ausetalia o Anthony Albanese faatasi ai ma isi ta’ita’i faapisinisi o atunuu e lua.
O Saina le isi atunuu o loo matua’i aafia i lafoga mo le totogi o oloa e auina atu i Amerika e ui e lē mamafa faapea aafiaga ia Ausetalia.
Fai mai Li o se mana’oga tele mo Saina ma Ausetalia le galulue faatasi e ui i le tele o le mau lu’itau.
Ua faailoa foi se finagalo o Albanese i le lipoti lea e tāua tele i atunuu ona a’oa’oina ai i le faasoa o tulaga manuia ae ia sauniuni foi mo lu’itau taatele.
