Sa faapea Saina ua iai sa la sootaga lelei ma Amerika e pei ona iai se maliega talu ai e faatatau i totogi faaopoopo poo tariffs ma nisi fetuuna’iga tau fefaataua’iga, peita’i ua lipotia i le vaiaso nei le lē fiafia i ni gaioiga se lua ua faatino atu e Amerika.

Muamua e pei ona faailoa e le CNN i se lipoti a le Financial Times i le vaiaso nei, ua ta’ua ai ni gaioiga a le Peresetene o Amerika ua faamuta ai nisi o kamupani Amerika mai le toe faatau atu o a latou software o loo faaaogā i nisi o auaunaga i Saina.

Fai mai ua faailoaina ane e se sooupu o le kamupani a le Siemens na faailoa atu e le faigamalo a Amerika ia i latou nisi o aiaiga ua faia e faatatau i ituaiga auaunaga faapea chip designing software o loo ave i Saina lea e faaaogā i smartphones, computers ma isi auaunaga.

O le mea lona lua o le faamatalaga mai le failautusi o le malo o Amerika, Marco Rubio e faapea o le a faalēaogāina visa o tamaiti a’oga Saina aemaise lava i latou o loo iai sootaga ma le pati kominisi a Saina.

O se gaioiga ua matuā faailoa ai le lē fiafia o Saina ma faailoa ai e le sooupu o le ofisa o le va i fafo a lea atunuu e tetee malosi i lea gaioiga a Amerika.

Puna o Faamatalaga: https://edition.cnn.com/2025/05/29/china/china-us-truce-chips-student-visa-intl-hnk