Ua moomia vave nei e leoleo o le pou i Gisborne le fesoasoani a le mamalu lautele mo ni faamatalaga e faatatau i se alii 36 tausaga le matua.
Māua i lipoti mai leoleo, na o latou taofia ma saisai lenei alii, i se nofoaga o loo i se tasi o nuu i tua o lea itumalo.
I faamatalaga o loo noatia aao o le alii o Sonny Kennedy ina ua taofia o ia e leoleo ma su’esu’e o ia e leoleo.
Na sola ese Sonny a o savavali faatasi ai ma se tasi o malu o malo, e aga’i atu mo le taavale a leoleo. Ta’ua i lipoti na sola ese lea alii ma aga’i atu i le auala o Whakarau Rd.
Ua faamauina o lea faaitu e fai lava sina telē, māua e 6 kilomita le mamao mai le itu i Saute i Sasae o Matawai ma le lata i le 36 kilomita le mamao mai se tasi o magāala e aga’i atu i le SH2.
Mai lipoti a leoleo, o loo la’eiina e le alii o Sonny Kennedy se ofu aluga o le hoodie pa’auli toetoe a lanu uliuli, ma se ofuvae e tai lanu pa’epa’e (dark-coloured hoodie and light-coloured trousers) ma seevae ua ta’ua o sneakers.
O loo masalomia na sola Sonny ma aga’i atu i totonu o se tasi o vaomatua o loo lata ane.
Ua faaalia popolega o le Ta’ita’i Leoleo Asiasi o le faaitu o Tairāwhiti Inspector Soni Malaulau, i le saogalemu o lē o loo aafia i le matāupu, ma o le ala foi lea ua talosagaina ai le mamalu o le atunuu o loo alala ma papaa’ao i lea faaitu mo le fesoasoani i soo se faamatalaga e uiga i le alii o Sonny Kennedy, poo se tasi o silafiai pe iloa foi le itu ua oo atu iai lea alii.
Puna a Faamatalaga: https://www.nzherald.co.nz/nz/gisborne-police-search-for-36-year-old-man-who-escaped-officers-while-handcuffed/FB6RJEG6CZGXZNYAGZQ53DMHVQ/
