O loo talosagaina e leoleo le fesoasoani a le mamalu lautele i le tau sa’ilia ai o se tamā matua, 75 tausaga le matua.

O lē o loo tau sa’ilia e suafa ia Anitelea Viliamu. 

I lipoti mai le Counties Manukau, o le taimi mulimuli na vaaia ai le tamā o Banff Avenue i Epsom poo le itula e 9 i le taeao o le Aso Sa, 3 o Aokuso 2025, o loo ia faafoeina lana taavale o le ituaiga o le Nissan March lanu ‘efu’efu, resitala HLU675.

Ua faaalia popolega mo le tamā ona e faamauina e feagai Anitelea Viliamu ma gasegase o le tino.

O le popolega i maua ma aafia le tamā i nisi faafitauli. 

E tusa ai ma sa’ili’iliga, o lea na maitauina le oo o le taavale a Anitelea Viliamu i Tristam Avenue, North Shore i le 11.50 i le taeao lava o le Aso Sa. 

Ua faailoa nei i aiga faamatalaga nei, ae na ta’ua ane, e laitiiti lava se penisini sa iai i le taavale i le taimi na alu ese ai le tamā, ma e lē mafai ona utu e le tamā le taavale. 

Ma ua talosagaina nei tagata lautele, aemaise faaitu o loo ta’ua na mulimuli vaaia ai Anitelea Viliamu, ina ia mata’itū ane o latou pito mo le tamā matua. 

Afai ae silafia e se tasi se faamatalaga pe o iloa foi se itu o iai Anitelea Viliamu, ia faafesoota’i vave atu le ofisa i le numera 111 ae faailoa atu le numera faapitoa o le matāupu P063370334.

Puna o Faamatalaga: https://www.facebook.com/share/p/16mzm2vDkn/