O su’esu’ega a leoleo i ni matāupu tau solitulafono o le taufaavalea ma taufaasese ua faasalalau ai e le matāgaluega i lana upega o fesoota’iga i auala televavave le ata o le taulealea 32 tausaga le matua o Aleni Finau o Moataa, ma le faamatalaga o lea tagata o loo tuua’ia i lona faia o se gaioiga e faaaogā ai le telefoni feavea’i e fesoota’i ai i ni tagata ma ni pisinisi ma ta’u ai le igoa o se isi tagata ae faamoemoe e maua ai ni tupe.
O lea foi sa faasalalau e leoleo le ata o le isi taulelea o Avei Mila Lauina Fasavalu 25 tausaga o Samata i Uta, Vaiala ma Moataa ona o su’esu’ega i solitulafono o le talepe fale ma le gaoi ae e le’i maua lea taulealea.
Ua na o le taulealea o Duncan Junior Ah Hi e lē o faailoaina e leoleo lona nuu ma le matua o ona tausaga, sa sa’ilia ae ua pu’eina ma taofia mo su’esu’ega i ni solitulafono o loo tuua’ia ai.
