O le vaiaso lenei o loo faatāuaina ai le gagana Rotuma i Aotearoa, o se vaega o le polokalame faaauau pea a le matāgaluega mo tagata Pasefika.
O le tasi lea gagana o loo aofia ai i gagana e 12 ua aloa’ia lona faamanatuina i Niu Sila ma o le autū o le vaiaso lenei i le faaperetania, Treasure and teach our Rotuman language and culture, a gift given by God.
E eseese foi popokalame ua tuufaatasia e le komiuniti a Rotuma e faamanatu ai lea vaiaso tāua mo latou, ma e mātele i le tupulaga talavou o loo faatinoina ia fuafuaga.
Ua molimau nisi o i latou ia o le siva lava ma le pese e faatumauina ai le latou gagana ma o se auala lelei foi e a’oa’oina atili ai le faa-Rotuma i fafo mai o si o latou atunuu.
Puna o Faamatalaga: https://www.rnz.co.nz/international/pacific-news/560839/nz-celebrates-rotuman-language-as-part-of-pacific-language-week-series
