Ua faailoa le teena e le Tupusa, Pope Leo XIV o le soona faaaogā o tagata matitiva, ma ua valaau ai mo le tutū faatasi o le Ekalesia ina ua faataunuuina le misasā o lona faauuga i le St Peter’s Square sa auai ai ta’ita’i o le lalolagi ma le faitau afe o tagata o le faatuatuaga Katoliko.

Na taunuu ane i le Vatikana ma faafeiloa’ia e le to’atele o tagata fai mai lipoti, e oo atu i le silia ma le 100 afe na auai.

Na vaaia a o faia lana asiasiga i le St Peters Square lona feiloa’i atu i le fanau.

O le sauniga o le faauuga na auai atu iai le Sui Peresetene o Amerika, JD Vance ma le Failautusi o Amerika, o le ta’ita’i o Ukraine o Volodymyr Zelensky faapea foi le Peresetene o Peru o Dina Boluarte.

E 150 atunuu o le lalolagi na auai atu o latou sui i le sauniga na talimalo ai le Vatikana.

I lana saunoaga na ia valaau ai mo le tutū faatasi o le Ekalesia ma ia faailoa foi lona teena o faiga tau le tamaoaiga o loo afua ai mafatiaga mo nai tagata limavaivai aemaise o le si’omaga.

Sa ia faia foi talosaga mo Ukraine aemaise Gaza lea o loo lipotia ane ai le to’atele o loo fia aai ma mana’omia le fesoasoani.

Puna o Faamatalaga: https://edition.cnn.com/2025/05/18/europe/pope-leo-inauguration-mass-intl