Ua faailoa mai e le Fale Pa’epa’e i lipoti a le 9News o le osofa’iga a Isaraelu ia Qatar lea sa taula’i i ta’ita’i o le Hamas, o se tulaga lē manuia ma o loo upuia foi e isi ta’ita’i o le lalolagi aemaise o le faia o sea osofa’iga i se tasi o atunuu o loo aofia i le au mediators poo i latou o loo taumafaia se filemu mo le vevesi i Gaza.
Fai mai le lipoti o ni nai itula talu ona mae’a le osofa’iga lea na folafola ai e le Palemia o Isaraelu o Netanyahu ua taliaina e Isaraelu se fuafuaga mai ia Amerika e taofia ai le vevesi ma faailoa ai o le osofa’iga lea ua ono vave faamuta ai ma le taua.
O ata mai le ofisa faasalalau a le Al Jazeera o loo maua lelei ai le osofa’iga o le fale lea sa iai totonu ta’ita’i o le Hamas i Doha.
Ua faailoa i se pepa o faamatalaga mai le Hamas e le’i iai se tasi o ana ta’ita’i na aafia i le osofa’iga se’i vaganā isi sui na fasiotia ai.
O Qatar le isi atunuu o loo taumafaia se filemu mo Gaza ma o loo fesoota’i foi ma Amerika, Isaraelu ae faapea foi ma le Hamas.
Puna o Faamatalaga: https://www.9news.com.au/world/israel-hamas-update-israel-says-targets-hamas-leadership-qatar-capital-doha-blast/0725d8c4-c7d3-471d-b151-3b54197e7426
