Ua pu’e nei e leoleo se alii, ma taofia faamalosi se taavale, i le aafia i se matāupu na aafia pe na fana ai se tagata ma faamanu’alia ai i Lower Hutt.
Ta’ua i lipoti, na valaau ane auauanaga o faalavelave faafuase’i i Hanson Grove i Stokes Valley poo le itula e 9 i le taeao o le Aso Sa, ina ua lipotia atu le faalogoina e tagata o ia faaitu le pā pā ai o fana.
Faamauina na maua atu se tagata ua matua’i afaina lava.
E tugā tele ona manu’aga, ma na avatu faatopetope i le vaalele mo le falema’i ma o loo iai pea i le potu tigāina poo le ICU.
Faamaonia e Detective Sergeant Martin Todd e 25 tausaga le matua o le taule’ale’a na pu’e faapagota poo le arrest i le po ma ua molia nei i le faatupuina o manu’aga ma le faamoemoe e faaoo ai manu’aga ogaoga i le tino poo le (wounding with intent to cause grievous bodily harm) i le gagana peretania.
O loo molia foi i lona umia faasolitulafono ai o se ‘au’upega malosi.
Ta’ua e le ta’ita’i leoleo asiasi o Todd le iai pea o leoleo i lea faaitu e mata’itūina le faagasologa ai sa’ili’iliga.
Puna o Faamatalaga: https://www.1news.co.nz/2025/08/04/man-arrested-vehicle-seized-after-person-shot-in-lower-hutt/
