E 37 tausaga o se sui o le kegi a le Head Hunters ua pu’e e leoleo ina ua feta’ua’ina lona soso’a o le taavale a leoleo e faaaogā ai se taavale gaoia.
Ua ta’ua e le One News o loo i le vaaiga a leoleo i le taimi nei lea tagata ma sa maua iai i le taavale sa ia faaaogā se fana ‘aū.
E faapea se faamatalaga o le po anapo na vaaia ai e leoleo se taavale gaoia na aga’i ane i Titirangi Rd ma faailo atu iai e taofi le taavale ma tu ane ai, peitai na solomuli sa’o ane ma soso’a le taavale a leoleo ma toe sola ese ai agai i Avondale.
E leai se malu o le malo na faamanu’alia ae na o le taavale sa faaleagaina.
Na sailia e leoleo le tagata lea ma toe maua ai mulimuli ane i Avondale ina ua feto’ai le taavale ma le pa o se a’oga i Mt Roskill ma pu’e ai loa ma le avetaavale.
O le asō e tula’i ai i le faamasinoga e molia i le faaoolima, ma le lē tu ane i leoleo.
Puna o Faamatalaga: https://www.1news.co.nz/2024/09/26/auckland-gang-member-arrested-after-allegedly-ramming-police-car/
