Faailoa le le fiafia o le palemia o le atunuu Jacinda Adern i nisi o le atunuu na auai ane i se solo tetee sa vaaia i Aukilani I le aso ile tulimanu o Victoria ma Hobson Street I le City.
Pe a ma le 50 le aofai o tagata na potopoto I le magaala lea e faailoa lo latou tetee ile tapu ma sa taitaia e Billy Te Kahika lea na pue e leoleo.
Fai mai le palemia e faanoanoa ona e avea gaioiga a se vaega toaitiiti o tagata e lamatia ai le soifua o le toatele. Lipotia ile herald sa lapataia e leoleo le alii lea peitai sa faaauau pea le tetee ma pueina ai loa ae lei taina le tasi I le aoauli nei.
Ae lei aveesea mai Te Kahika e leoleo mai lea nofoaga sa ia faaalia talosia e le iu ise vevesi le mea ua tulai mai ma ia aveese vave loa o ia ia faaitiitia ai ni avanoa e faatupu ai e tagata e lagolagoina o ia se vevesi.
O loo taua foi I le lipoti ao lei amataina le solo tetee sa faailoa foi se finagalo o Hannah Tamaki mai le Destiny Church e faatatau I le faia o tuipuipui o le koviti 19 lea e tetee iai.
Fai mai a ia I luga o le social media, o loo malosi, e le faia sona tui ma e le fefe foi. Toatele ua faailoa lo latou le fiafia I ia faamatalaga.
